قلبي ليّا و قلبك ليك

الليلة مانيش باش نخمّم فيك

باش نعفس على قلبي اللّى خلّيتو بين يديك

الليلة مانيش باش نكتب عليك

نحب ننساك، ننسى حضنك و يديك

الليلة مانيش باش نبكي عليك

دموعي شاحت جرّة عينيك

الليلة باش ننسى اللّي يربطني بيك

باش نسكر من حبّي ليك

باش نطير بعيد عليك

و على القاع اللي تمشي عليها ساقيك

و نبعد على الدنيا في بالي بعدت عليك

أما فين نمشي نشوف عينيك

نسألها كان مازالت تأمّن بحبّي ليك

تجاوبني و تقلّي " يا بنتي يزّيك

قلبي ليّا و قلبك ليك"...