مسيرة أعتقني

اليوما أنا فرحانة ، فرحانة على خاطرني حسّيت روحي حرّة و أنا ماشيا في واحد من أزين شوارع العاصمة، شارع محمّد الخامس حاجة مزيانة ياسر، إحساس الحرية في شوارع بلادي عندي برشة محستوش.

شاركت كيما برشة توانسة أحرار في مسيرة أعتقني، فرحت كيف لقيت آلاف التوانسة يمشيو بجنبي، توانسة يأمّنوا بحريّة التعبير و يدافعو على الحريات بصفة عامّة . فرحت كيف شفت البوليس يأطّر في المسيرة بلاش عنف. فرحت كيف خصرت عل اليمين و عل اليسار و ما شفت حتّى نقاب و حتّى قميص. فرحت بالوجوه المزيانا اللّي لقيتها تمشي معايا. فرحت كيف لقيت روحي نمشي بنفس الخطوة أنا و الناس اللّي تخمّم كيفي، الناس اللّي مش ناوية باش تساّم في حريّتها.

أنا فخورة اللّي ضميت اليوما صوتي لاصوات أحرار وصحنا مع بعضنا "أعتقني"

a3ta9ni demain à Monastir

Photos: 

 http://www.lecourrierdelatlas.com/ 

http://www.facebook.com/lecourrierdelatlas.net